مبروووووووك يا مصر
اه مبروك للحكومه المصريه و لكن للاسف كل التعازى للشعب المصرى الطيب الاصيل
طبعا عاوزين تعرفوا ليه ؟
اقولكم
الان فى جينيف يعقد مؤتمر دولى للمنظمات العماليه فى العالم و تقيم دول العالم
من حيث المنظمات العماليه مصرنا حبيبتنا حصلت على المركز السابع بين دول العالم من حيث الاسوء عالميا
يعنى بعيد عنكم فى القايمه السودا
و نتوقع صدور عقوبات على مصر و عقوبات مشدده كمان قد تصل للمقاطعه العالميه
ربنا يستر انا بس حبيت اهنىء الحكومه المصريه و النظام المصرى
لانهم ديما فى نجاح و قى تقدم
طبعا مش عاوزكم تفهموا غلط اى نجاح فى العالم معناه اسعاد الملايين لكن نجاح حكومتنا و نظامنا فى ارهاب و تعذيب الملايين
و اهوه الحمد لله قدروا و عملوها و هما برضه كده كده هيكونوا فى مناصبهم و مبارك لسه زى ما هو
هناك 14 تعليقًا:
هههههههههههه
حماده
اولا حلوه اوى صديقى دى
جديده بجد
ثانيا
هو انت فاكر انى مبسوط ؟
ده انا بتمسخر على الحكومه العشوائيه
تحياتى لك و ربنا يستر بقى
انا شايفة انهم بجد غلطانين المركز السابع بعيييييد قوووي
المركز الاول كان افضل بكتيرررررر
ماهو ماعتقدش في حكومة اسوا من كدة
دي وصلت الناس انها تمشي تكلم نفسها في الشوارع
غلاء واستعباد وذل ومش اي ذل بيذلونا بلقمة عيشنا وبيستكتروا علينا نعيش بني ادمين
بس ياتري بعد ده كله هنفضل برده ساكتين
احنا نشجب اه نستنكر جميل
لكن ناخد خطوة جادة ومغيرة بنخاف قوي
وفعلا ربنا يستر
تحياتي
ودايما اخبارك سعييييييييدة
حبيبي مارو
والله الدنيا مصر دلؤتي مع الأسف عامله
زى العربية اللي بترجع لورا
والحكومة هي البنت اللي بتقول
أحزر السيارة ترجع إلي الخلف
هههههههههههههههههههههههههههههههههه
السلام عليكم
أخي مارو... أنا زعلان منك عشان حاسس إنك بتشمت في حكومتنا الحلوة قوي, و بعدين ياريت بتشمت في حكم صحيح صدر ضد هذه الحكومة!!
بل هو حكم ظالم أنت عارف إن حكومتنا ما تستهلش كدة أبدا.
بل هي كانت تستحق المركز الأول بجدارة, فكيف يا أخي تتندر على مركز متأخر مثل المركز السابع, يا راجل ده كلام؟؟!!
عبدالمنعم منيب
http://moneep.katib.org/node
بطه
انا كمان معاكى
المفروض ياخدوا المركز الاول
ههههههههههههههههه
حلوه يا حماده
بس تعالى هنا و قولى
انت محت التعليق الاول ازاى ؟
استاذ منعم معاك حق بجد
انا غلطان لازم افرح لو مركز اول مش سابع
مارو انت متأكد من الكلام دة
معقول اكيد النتيجةدي فيها لعب دي مؤامرة علي مصر علشان متكونش الأولي في أي حاجة وانت عارفني بمووووووووت في نظرية المؤامرة عاوزين يحروموا حكومتنا من الرايادة كلا البتة احنا عارفين ومتأكدين من النتيجة
يا حبيبتي يا مصر مش عاوزينك تبقي الأولي
يارب دايما تشاركنا الأخبار السعيدة دي
هما كتبو مصر على قايمة كمان
مش المفروض الحكومة لما اتجوزت مصر جواز عرفى
ميتكتبش قايمة عشان مش متوثق وجواز مزور اصلا
صدقنى احنا باذن الله قريب اوى
هتكون سمعتنا فى الحضيض
وهنبقى زينا زى الصومال
وتلاقينا مش لاقيين اللى يغطينا ويسترنا
السلام عليكم ورحمه الله وبركاته
هقول للشعب ايه
الاول اننا فخورين جدا اننا حصلنا على مركز متقدم فى شىء مش مهم صح ام خطا
هقول ايه يا مارو بس
هقول حسبى الله ونعم الوكيل
كما قال الشاعر
قد أسمعت لو ناديت حيا ولكن لاحياة لمن تنادى
والسلام عليكم
ولا حاجة ... هنقوله مبارك عليك يا شعب وجمال على راسك كمان :(
ده احنا بقينا عالم مشهورة :)
الشاعر اللى معرفش اسمه مش فاكراه دلوقتى كان بيقول
من يهن يسهل الهوان عليه
مدونة جميلة أول زيارة لكن أكيد هكررها إن شاء الله ربنا يوفقك وأتمنى تشرفنى فى المدونة :)
لاااااااااا متقوليش عقوبات اكتر من كده حرام عليك يا مارو بجد
مبروك المدونه على فكرة حلوة
مبروك عليهم و مبروك علينا خيبتنا القوية ..... بس انا مش متفقة معاهم على فكرة ازاى بلد فيها العسل احمد عز والسكر جمال مبارك وتبقى فى القايمة السوداء؟؟؟ لالالالالا الماتش دة متباع والحكم مش حيادى....
انا اول مرة ازورك على فكرة اتمنى تزورنى انت كمان وتقول لى رايك ماشى؟؟
إرسال تعليق